Panginoon,
Maraming salamat po sa lakas at talino na iyong
ibinibigay sa aming mga gurong nagsasanay na aming nagagamit sa pangaraw-araw
na pagtuturo. Patuloy mo pa po kaming tulungan na makita ang mga kakayahan na
mayroon ang bawat mag-aaral na aming tinuturuan sapagkat ang paniniwala nila sa
kanilang sarili ay mas higit pa sa mga grado na aming ibinibigay.
Nawa’y pagpalain pa ninyo ang mga guro, na
walang kapaguran na nag-aaral mula umaga hanggang gabi para lamang maibigay ang
nararapat na kaalaman na kinakailangan ng mga mag-aaral. Patuloy mo pa po sila
bigyan ng lakas at talino para sa kanilang walang sawa na pagmamahal sa
kanilang napiling larangan.
Gabayan po ninyo ang bawat estudyante na aming
tinuturuan, bigyan niyo po sila ng talino upang sila ay lalong matuto hindi
lamang sa loob ng silid aralan kundi magamit ito sa labas ng paaralan at
magkaroon sana sila ng inspirasyon upang lalo pa nila paghusayan ang pag-aaral
upang kanilang makamit ang kanilang mga pangarap,
Amen.
No comments:
Post a Comment